السبت، فبراير ٠٩، ٢٠٠٨

كلمة من بين سطور الزحمة


ركب السائق سيارته وانطلق بها ليجدد رحلة العناء المتكررة مع كل دور فالإصلاحات في كوبري قليوب ربما تستغرق وقتا أكثر من بناء الكوبري نفسه
وكلما سار عدة أمتار وقف ينتظر الفرج ومع كل وقفة ينظر إلى الركاب في مرآة صغيرة أمامه كأنه يريد أن يقول شيئا ثم يعرض عنه ويكتفي بضربة خفيفة على عجلة القيادة ونفخة كأنها دخان بركان أوشك على الإنفجار
وفجأة إنفجر البركان وصرخ السائق
نفسي أعمل دور كمان العيال بتاخد 30 جنيه وهما ماشيين على المعاهد والكليات كل يوم الصبح
وإزازة الزيت بعشرة جنيه
إزازة الزيت بعشرة جنيه
إزازة الزيت بعشرة جنيه
إزازة الزيت بعشرة جنيه
فلما يئس من أن يجيبه أحد نظر إلى طريقه وأكمل رحلة العناء
هذا هو حال شعبنا المسكين فماذا يفعل المواطن المطحون الذي يعول أسرة فيها أبناء في مراحل التعليم وربما كان من أسرته أحد المصابين بأمراض الموضة التي لا تخلوا منها أسرة ( فيرس سي أو الفشل الكلوي ..... )
ماذا يفعل أمام غلاء الأسعار وزيادة فواتير المياه والكهرباء والتليفونات
ماذا يفعل أمام غلاء الأسعار وزحمة المواصلات
فلا يستبعد أن تخرج من هذه الأسرة فتاة لا تجد سبيلا للعيش سوى
التجارة بأعز ماتملكه أي فتاة
ولايستبعد أن يقدم الأب أو الأخ على المال الحرام وربما ارتكب جريمة القتل أو الإتجار في المخدرات أو على الأقل تعاطيها ظانا أنه يهرب من الواقع المر
وأخيرا أقول لمن بيده الأمر
أنقذوا مصر قبل أن ينفجر البركان

هناك ١٥ تعليقًا:

Saad El-Shater يقول...

ياريت ينفجر
هما السئولين بيراهنوا علي ان البركان مش هينفجر
اسمع النكتة اللي ببتداول بين المسؤلين
"مره اتنين مخابرات واحد بيقول لا الشعب هيثور والتاني بيقول لا ده شعب سلبي
حبوا يختبروا مين اللي صح
فقالوا نبني كوبري والليطلع عليه يدفع خمسة جنيه
فضلوا يراقبو الكوبري لاقوه زحمة
فقالوا خلاص نخليها خمسه جنية وياخد علي قفاه اللي يعدي

وبعد كام يوم مراقبة لاقوا اتنين وقفين عايزين يقولوا حاجة
فقال اللي كان بيراهن علي الايجابية
شوفت انا قلتلك
راحوا قالولهم عاوزين ايه
الاول قال انا عديت امبارح وماضربتش
والتاني قال ياريت تزودوا عدد اللي بيضربوا شويه علشان مانقفش كتيير"

--------
سلام

ساره عمر يقول...

طب ياريت ينفجر
بس صعب صعب صعب بل مستحيل
لو كان الشئ دا ممكن كانو انفجرو من زمان وعلي حجات كتير فاتت
الناس حيصبرو حيصبرو لحد ما التمانين مليون يموتو واحد ورا التاني من الفقر والهم والمرض ولا هيقلولو اه
تحياتي ليك
وللشعب المكتوم

بحبك يامصر يقول...

والله انا شايف ان الشعب يقدر يستحمل حبه كمان.يعنى كمان سنه ولا اتنين

محمد مارو يقول...

لا حول و لا قوه الا بالله

و الغريب المسئولين بيقول ان البلد فى تقدم

محمد مارو يقول...

مممممممممممممم
قبل التعليق
عندى سؤال
هو انتى مراسله ابى و كوكبها و لا انتى مراسله الاخبار المعكننه؟


حرام يا ابى

بس بجد اخبار تغييييييييييظ

و انا معاكى فى حكايه الكسل المصرى ده

و مش كسل مع التجار بس دى مش كسل اصلا ده اسمه

سلببببببيييييييييييييييه حزب ملهومش لزمه و مخليه اونكل لسه موجود
و السلبيه دى هى اللى مخليه عندنا

mohammad hamza يقول...

حرام ..
أقل كلمة تعبر عن اللى بيحصل . ..
الشعب مش قادر يعيش .. وبيبصوا على الناس الأعلى منهم بتحسر .. مع أمل منهم فى اللحاق .. فبيلجؤوا الى حاجات غير مشروعة من مخدرات وغيره ..

كل حاجة بتغلى .. فى مخطط سياسي لا يتم وصفه الا بالقذر لارهاق الشعب وتجويعه ..
وجعل لقمة العيش هدفه الوحيد ..,.

........
ادعيلى

أحمد سعيد علي الدين يقول...

سعد الشاطر ... جزاك الله خيرا

أنا عارف إن في سلبية في الشعب
لكن أكيد للصبر حدود

وأكيد هيجي اليوم اللي يفوق فيه الشعب ويبحث عن طريق الخلاص

أحمد سعيد علي الدين يقول...

حنين ... جزاك الله خيرا

لكن ليه اليأس ده
الخير موجود في الأمة إلى يوم القيامة

ومهما الليل يطول أكيد هيجي النور

أحمد سعيد علي الدين يقول...

بحبك يامصر .. جزاك الله خيرا

بس مش كتير سنة وللا اتنين

أحمد سعيد علي الدين يقول...

محمد مارو ... جزاك الله خيرا

كلام المسئولين صحيح البلد في تقدم
لكن نحو الهلاك

أحمد سعيد علي الدين يقول...

محمد حمزة ... جزاك الله خيرا
فعلا ده مش مجرد فساد وسرقة في أموال الناس
ده مخطط سياسي مقصود منه قتل شعبنا

ربنا يوفقك ويعينك على طاعته
وادعيلي انت كمان

جهاد خالد يقول...

شاركني بالتصويت على فكرة كتابي الأول
www.somood.blogspot.com

محمد بن جمال الياسرجى يقول...

البركان يثور

شهاب الأزهر يقول...

جزاكم الله كل خير يا نور الأزهر

أعتقد أن الغيث الهامع وعاصفة التغيير تعلن عن نفسها بنسيم رقيق.. تاعبوا تظاهرات العمال وستتنسمون هذه النسمات

فأنا لا أحب ثقافة اليأس

صاحبة هدف يقول...

أعتقد أنه انطلق...والآن هو سائر في الطريق...

فلم أركب أى سيارة الآن إلا وفيها ما ينم عن بغض البابا مبارك

...وهناك من يستنجد من ظلم السائقين..فيقول له الآخر بمن تستنجد يا حبيبي.؟؟ بالسارق الذي أخذ أموال شعبه خارج بلده.....فيعم المكان صمت قاتل...ويبقى هنا سؤال واحد

حقا بمن يستنجد الشعب ؟؟

____ بالله الواحد القهار

قـــادمة نهايـــة هذه الأسطـــورة البغيـــضة